Детска колекција за слободни стапала

Детското стапало расте и се развива преку движење. Добрата детска обувка го штити стапалото од подлогата, но не го стега и не го води чекорот наместо него. Во оваа колекција има над 100 босоноги модели во броеви од 19 до 36: патики, топлинки, чизми и сандали од Bar3foot (Elf), Zapy, MTNG Free, Be Lenka, Saguaro, RAYVE и PEGRES.

На што да внимавате при избор:

• Простор за прстите: предниот дел треба да е широк колку стапалото, за прстите да се шират при секој чекор.
• Флексибилен ѓон: обувката треба лесно да се свитка, така се користат сите мускули на стапалото и тоа станува јако и стабилно.
• Рамна поставеност: петата и прстите се на иста висина (zero-drop), без подигната пета.
• Лесни обувки: тешките и крути обувки ги приморуваат децата да ги користат другите делови од телото повеќе со што може да се создадат компензации и деформитети.

Како да го изберете бројот: измерете го стапалото додека детето стои, попладне, и земете ја подолгата мерка од двете стапала. Обувката треба да е 0,6-1,2 cm подолга од стапалото: доволно за раст, а не толку голема што детето ја влече или се сопнува. Калкулаторот во Водичот за број го пресметува бројот за секој бренд.

Детските стапала растат брзо, затоа проверувајте го бројот на секои 1-2 месеци. Ако бројот не одговара, правиме брза замена, а плаќате при достава.